Qəbələ rayonunda seminar keçirilmişdir
Qəbələ rayonunda seminar keçirilmişdir
2015-ci ilin Azərbaycan Respublikasında “Kənd təsərrüfatı ili” elan edilməsi ilə bağlı Nazirlik tərəfindən həyata keçirilən tədbirlər çərçivəsində aprel ayının 4-dən oktyabrın 10-dək Qəbələ rayonunda “Tarla günləri” keçiriləcəkdir. Tədbirin rəsmi açılışı 2 may tarixinə planlaşdırılmışdır. “Tarla Günləri” açıq hava sərgisi layihəsinin iş planına uyğun olaraq Kənd Təsərrüfatı Nazirliyinin təşkilatçılığı və “Aqroplatforma “ şirkətinin dəstəyi ilə 30 mart 2015-ci il tarixində Qəbələ rayonunda sərgiyə hazırlıq məqsədini daşıyan seminar keçirilmişdir. Seminarda Kənd Təsərrüfatı Nazirliyi Bitkiçilik şöbəsinin, Kənd Təsərrüfatı Nazirliyi yanında Bitki Sortlarının Qeydiyyatı və Toxum Nəzarəti üzrə Dövlət Xidmətinin, Milli Elmlər Akademiyasının, Aqrar Elm Mərkəzinin, Elmi Tədqiqat İnstitutlarının əməkdaşları və aqrar sektorda fəaliyyət göstərən şirkətlərin, toxumçuluq təsərrüfatlarının, gübrə və pestisid satışı ilə məşğul olan firmaların nümayəndələri iştirak etmişlər.
Seminarda sərginin məqsədi, təşkili ilə bağlı təqdimatlar dinlənilmiş, fikir mübadiləsi aparılmışdır. Sonradan sərginin keçiriləcəyi tarlada hər bir iştirakçı müəsissəyə, şirkətə nümayiş əkinləri və sınaq aparmaq üçün ayrılmış torpaq sahəsi təhvil verilmişdir.
