Dövlət dəstəyi ilə Kənd təsərrufatı texnikalarının lizinqlə satışı

Gəncə istehsalı olan 'Belarus'

Gəncə istehsalı olan 'Belarus'
Gəncə istehsalı olan 'Belarus' tipli traktorların təqdimatı olub
“Aqrolizinq” ASC-nin Gəncə regional nümayəndəliyində Gəncə istehsalı olan 23 ədəd “Belarus” tipli traktorun təqdimat mərasimi keçirilib.Tədbirdə respublikanın bütün regionlarından olan fermerler, sahibkarlar, alimlər, mütəxəssislər və nazirliyin müfaviq qurumlarının nümayəndələri iştirak ediblər.
“Aqrolizinq” ASC-nin İdarə Heyyətinin sədri Elşən Məmmədov Prezident İlham Əliyevin aqrar sahəyə göstərdiyi diqqət və qayğıdan danışıb. Xüsusilə ölkə başçısı tərəfindən fermerlərə ayrılmış vəsaitlər hesabına kənd təsərrüfatı texnikalarının sahibkarlara verilməsi, texnikaların ilkin dəyərinin 40 faizinin, gübrələrin 70 faizinin dövlət tərəfindən ödənilməsi diqqətə çatdırıb. “Aqrolizinq” ASC tərəfindən fermer və sahibkarlara göstərilən xidmətlər barədə geniş məlumat verib.
Yeni traktorlar və kənd təsərrüfatı texnikaları növbədənkənar olaraq Qarabağ müharibə veteranları Sadiq Quliyev və Mehman Qurbanova, həmçinin şəhid ailələri Şahmərdanov Hacıbala Məmmədəli oğlu və Zeynalov Vaqif İsa oğluna təqdim olunub. Qarabağ müharibə veteranları və şəhid ailələri onlara göstərdiyi diqqət və qayğıya görə ölkə rəhbərinə öz minnətdarlıqlarını bildirdilər.
Tədbirdə “Aqrolizinq” ASC-nin İdarə Heyətinin sədri bildirib ki, bu gün texnikaların alınmasında müraciətlər artıq onlayn rejimində bir pəncərə prinsipi əsasında həyata keçirilir.Həmçinin texnikaların verilməsi zamanı ndə yeni üsul – Avtomatlaşdırılmış Elektron İdarəetmə sisteminin işlək mexanizmi ilə tanış olundu, və müvafiq məsləhət və tövsiyələr verildi. Elşən Məmmədov güzəştlərin tətbiq olunmasının son nəticədə fermerlərin maddi vəziyyətinin yaxşılaşdırılmasına, əhalinin daxili istehsal hesabına ərzaqla təmin olunmasına öz töhvəsini verəcəyini xüsusilə vurğulayıb.
Tədbir iştirakçıları həmçinin Almaniyadan gətirilmiş 66 baş südlük istiqamətli Hollştin-Friz cinsinin saxlanma şəraiti ilə tanış oldular.ganjanews.az