Baytarlıq apteklərində reyd keçirilir

Baytarlıq apteklərində reyd keçirilir

Martın 16-dan başlayaraq Bərdə rayonunda fəaliyyət göstərən baytarlıq apteklərində baytarlıq nəzarətini həyata keçirmək məqsədi ilə reydə start verilib. Tədbir Kənd Təsərrüfatı Nazirliyi yanında Dövlət Baytarlıq Nəzarəti Xidmətinin 15 mart 2015-ci il tarixli 30 saylı əmrinə uyğun həyata keçirilir.

Martın 19-na qədər Dövlət Xidməti əməkdaşlarının iştirakı ilə aparılan nəzarəti tədbir zamanı baxış keçirilən apteklərdən 15-dən 9-nun lisenziyasız fəaliyyət göstərdiyi məlum olmuşdur. Eləcə də bir sıra apteklərdə qeyri-qanunu, qablaşdırlması standartlara cavab verməyən, dövlət qeydiyyatına alınmayan, müvafiq tələblərə cavab verməyən saxta, keyfiyyətsiz və satışı qadağan olunan dərman preparatları aşkarlanmışdır.

Lisenziyasız fəaliyyət göstərən baytarlıq apteklərinin fəaliyyəti dayandırılıb. Qeyri-qanunu satışı aparılan dərman preparatları qanunvericiliyə uyğun olaraq akt əsasında zərərsizləşdirmək məqsədi ilə müsadirə olunub.

Bəzi apteklərdə nəzarəti tədbirin aparılması mümkün olmayıb. Buna səbəb reydin keçirilməsindən xəbər tutan sahibkarların aptekləri bağlaması olub.

Reydlərin mütəmadi olaraq aparılması nəzərdə tutulur.