Xurmanın faydaları
Xurmanın faydaları
Mütəxəssislərin qənaətinə görə, insan yalnız su və xurmadan istifadə etməklə uzun müddət yaşaya bilər. Xurma nadir qida məhsullarındandır ki, onun tərkibi insan üçün zəruri və vacib olan vitaminlər, mikroelementlərlə zəngindir. Artıq uzun illərdir ki, su və xurma ilə iftarın açılması ənənəsi də yəqin ki, məhz xurmanın bu qədər dəyərli zəngin tərkibinə əsaslanır. 100 qram xurma yeməklə insan orqanizmi aşağıdakı maddələri qəbul etmiş olur:
Su - 22.5 q.
Zülallar - 2.0 q.
Karbohidratlar - 66.5 q.
Sellüloz - 7,5 q.
Vitamin A – 0.08 mq.
Vitamin B1 - 0.09 mq.
Vitamin B2 - 0.1 mq.
Vitamin PP - 2.2 mq.
Vitamin B5 - 0.78 mq.
Vitamin B6 - 0.19 mq.
Vitamin B9 – 0.13 mq.
Vitamin E - 0.1 mq.
Vitamin K - 2.7 mq.
Kalium - 652 mq.
Kalsium - 64 mq.
Maqnezium - 35 mq.
Sodium - 3 mq.
Fosfor - 40 mq.
Dəmir - 1.15 mq.
Sink - 0.29 mq.
Möcüzəvi faydaları olan xurma haqqında belə bir deyim var: “Xurma həm meyvədir, həm dərmandır, həm içkidir, həm də şirniyyat”. Belə bi deyim də var ki, sağlamlığının qayğısına qalan insan xurma ilə dostluq edir. Maraqlıdır, bəs görəsən sağlamlıq üçün faydalı olan xurmanın orqanizmə hansı müsbət təsirləri var?
Xurma insan sağlamlığı üçün təhlükə yaradan bakteriya, mikrob, parazit daşıyıcısı deyil. Əksinə, onun tərkibində elə maddələr var ki, onlar orqanizm üçün problem yaradan bakteriyaları və parazitləri məhv edir.
Xurma beyinin fəaliyyətinə müsbət təsir göstərir, onun məhsuldarlığını 20 faizə qədər artırır.
Fiziki gərginlikdən sonra yaranmış yorğunluğu çıxarmaq üçün xurma yeyilərsə cəmisi 40-50 dəqiqədən sonra sərf olunmuş enerji və gümrahlıq bərpa olunar.
Tənəffüs yollarının xəstəlikləri zamanı xurma olduqca faydalıdır.
Ürək xəstəlikləri zamanı müntəzəm olaraq xurmadan istifadə etmək ürəyin tam fəaliyyətinin bərpası üçün ən yaxşı vasitələrdən biri sayıla bilər.
Qanazlığı, anemiya xəstəliyi zamanı xurma ən xeyirli qida məhsullarından biridir.
Xurma cinsi zəifliyin aradan qaldırılması, cinsi istəyin artırılması üçün təbii və güclü afrodiziakdır.
Həm hamilə, həm də doğuşdan sonrakı dövrdə qadınlar üçün xurmanın qida rasionuna daxil edilməsi faydalı və vacibdir. Xurma ana südünün tərkibini vitamin və digər mikroelementlərlə zənginləşdirir. Hamilə qadınları depressiya halına düşmək ehtimalını azaldır.
Xurma damarların və kapilyarların divarlarını möhkəmləndirir, həmçinin qan dövranını yaxşılaşdırır, yüksək qan təzyiqi olanlara müsbət təsir göstərir.
Xurmanın möcüzəvi faydalarından biri müxtəlif kimyəvi dərman pereparatlarının qəbulundan sonra onların orqanizmdə yaratdığı fəsadların aradan qaldırmaq xüsusiyyətidir.
Müntəzəm olaraq xurmadan istifadə immun sistemini gücləndirir, onu lazımi səviyyədə saxlayır.
Xurma ağız boşluğu, xüsusilə damaqlar üçün də xeyirlidir. Damaqlarda qanaxmaların qarşısını almaq üçün xurmadan istifadə öz effektini verir.
Xərçəng xəstəliklərinin, xüsusilə mədəaltı vəzin xərçəng xəstəliyinə tutulma riskini xurma kəskin şəkildə aşağı salır.
Böyrəklərin təmizlənməsinə yardımçı olan xurma sidikqovucu xassəyə malikdir.
Möcüzəvi faydaları olan xurma qaraciyərin və öd kisəsinin normal fəaliyyəti üçün də xeyirlidir.
Xurma maddələr mübadiləsinin tənzimlənməsində öz müsbət təsirini göstərir.
Xurmanın faydalarından biri də gözlərə, görmə qabiliyyətinə xeyirli olmasıdır. Xurma yeyən insanlar gözlərindən şikayətçi olmazlar.
Digər faydalı qida məhsulları kimi xurmanın istifadəsində də əks göstəricilər var. Həzm sistemində problemi olanlar xurmanın üzərindəki nazik qabığı soyduqdan sonra istifadə etmələri məsləhətdir. Mədə xəstəliklərindən şikayət edənlər xurmadan az istifadə etməlidirlər. Şəkərli diabetlərin isə xurmadan istifadə etmələri məqbul sayılmır.
Kosmonavtların həm qidası, həm də dərmanı adlandırılan xurmanın faydaları qara kürünün faydalarından qat-qat çoxdur. Siz də bütün bunları nəzərə alaraq süfrənizdən min bir faydası olan xurmanı əskik etməyin.modern.az
